1944 ഡിസംബറിൽ തിരുവനന്തപുരത്തിനടുത്ത് കുന്നുകുഴിയിൽ ജനനം. വിദ്യാഭ്യാസത്തിന് ശേഷം 1965 ൽ 'സീമ' എന്ന ദ്വൈവാരിക പ്രസിദ്ധീകരിച്ചു കൊണ്ട് പത്രപ്രവർത്തന രംഗത്തെത്തി. 55-ൽപ്പരം പത്ര-മാസിക-ദ്വൈവാരിക-വാരികകളിൽ ലേഖകനായും എഡിറ്ററായും പ്രവർത്തിച്ചിട്ടുണ്ട്. 1971-ൽ മലയാള സിനിമയുടെ പിതാവായ ജെ.സി.ഡാനിയേലിനെ നേരിൽകണ്ട് സംഭാഷണം നടത്തി. മലയാള സിനിമയുടെയും, ആദ്യനായിക പി.കെ.റോസിയുടെയും ചരിത്രം പുറത്തു കൊണ്ടുവന്നു.
സത്യൻ ജീവചരിത്രം, പുലയർ നൂറ്റാണ്ടുകളിൽ, മഹാത്മാ അയ്യങ്കാളി, ജെ.സി.ഡാനിയേൽ, പി.കെ.റോസി ഉൾപ്പടെ പതിനഞ്ചോളം ഗ്രന്ഥങ്ങൾ ഇതിനകം പ്രസിദ്ധീകരിച്ചു.